کویت پاکستان فرینڈشپ ایسوسی ایشن کے زیرِ اہتمام سرپرستِ اعلی جناب مبارک سعدون المطوع کی رہائش گاہ پر ایک باوقار تقریبِ افطار کا انعقاد

٭ سفیرِ پاکستان ، سفیر ترکی، سفیر تاجکستان، سفیر یو این او، ڈیفنس اتاشی ترکیہ ، کمیونٹی ویلفئیر آفیسر پاکستان، اسپیشل ایلچی گورنر الفروانیة، کویتی اور پاکستانی عمائدین کی شرکت

حسب روایت سرپرست اعلیٰ جناب مبارک سعدون المطوع (کے پی ایف اے) کی رہائش گاہ پر 25 ویں تقریبِ افطار کا اہتمام کیا گیا۔ مختلف ممالک کے سفراء کرام کی آمد نے تقریب کو چار چاند لگا دئیے۔

جناب سہیل یوسف نے تقریب کی میزبانی کرتے ہوئے حافظ حفیظ الرحمن کو تلاوتِ قرآن پاک کی دعوت دی، اُس کے بعد جناب مبارک المطوع نے مہمانانِ گرامی کے لیے استقبالیہ کلمات پیش کئے۔ سفیر پاکستان ڈاکٹر ظفر اقبال نے اپنے خطاب میں کویت پاکستان تعلقات پر بات کرتے ہوئے صاحبِ خانہ کی دعوت کا شکریہ ادا کیا۔

سفیر ترکیہ مدام طوبا نور نے پاکستان میں اپنے قیام کو موضوع بنایا اور پاکستان کے ساتھ اپنی ذاتی اور ترکی سرکار کی وابستگی پر سیرحاصل گفتگو فرمائی۔ کویت ، پاکستان اور ترک دوستی کو فروغ دینے پر زور دیا۔ یہ بات یاد رہے کہ اس تقریب میں ترکی افواج کے ایک اعلیٰ دستے نے کرنل گوکھر دیفنس اتاشی کویت کی معیت میں شرکت کی۔

تاجکستان کے سفیر جناب زبید اللہ زبید اور یو این او کے سفیر ڈاکٹر امیرا نے پاکستان سے اپنے تعلق اور وابستگی کے حوالے سے بات کی۔ تاجکستانی سفیر نے کہا کہ کہ میں نے اپنی زندگی کے خوبصورت ترین لمحات ملکَ پاکستان میں بسر کیے ہیں۔ گورنر فروانیة کے نمائندہ جناب سلمان الظفیری نے کویت پاکستان دوستی کو مذید مستحکم کرنے کی اہمیت پر زور دیا۔ صدر ایسوسی ایشن رانا اعجاز حسین نے سفراء کرام کی آمد اور میڈیا ذمہ داران کا شکریہ ادا ۔

کے پی ایف اے ایگزیکٹو کونسل کے چاق و چوبند اراکین نے بڑے پروفیشنل انداز سے تمام سفراء کرام کے پروٹوکول کو مدِ نظر رکھتے ہوئے نشستوں کا اہتمام کیا۔ اس موقعہ پاکستانی تنظیمی صدور، چیدہ چیدہ پاکستانی کمیونٹی ممبران اور کویتی

حضرات نے شرکت فرمائی۔