گورنر آفس الفروانیة الکویت میں تقریبِ کیک کٹنگ بسلسلہء جشنِ آزادیء پاکستان ۔ ایگزیکٹو ممبران کویت پاکستان فرینڈشپ ایسوسی ایشن کی شرکت اور تحائف کا باہم تبادلہ

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

آج 14 اگست یومِ آزادیء پاکستان کے سلسلہ میں عزت مآب جناب الشیخ عذبی الناصر الصباح گورنر الفروانیة الکویت کے آفس میں کیک کٹنگ کی تقریب منعقد ہوئی، اس نسبت سے جناب گورنر صاحب نے حسبِ روایت کویت پاکستان فرینڈشپ ایسوسی ایشن کی ایگزیکٹو باڈی کے اراکین کو مدعو فرمایا۔ وفد کی قیادت رانا اعجاز حسین صدر (کے پی ایف اے) فرما رہے تھے۔

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭اس تقریبِ سعید میں جناب خالد أمین (جنرل سیکرٹری)، ڈاکٹر غلام شبیر (نائب صدر) جناب محمد طاہر بشیر ( انچارج کمیونٹی آفیئرز) جناب حافظ وجہیہ الحسن( سیکرٹری فنانس) جناب محمد افتخار گھمن اور ڈاکٹر رحمت اللہ نے شرکت فرمائی۔

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

گفتگو کے آغاز میں تعارفی نشست کے بعد وفد کے سربراہ رانا اعجاز نے ایسوسی ایشن کےپس منظر پیش سے آگاہ کیا اور پاکستان کے 77ویں یومِ آزادی کے حوالے سے اپنے تاثرات پیش کیے۔ جناب گورنر الشیخ عذبی الصباح نے ،کے پی ایف اے ، کی سرگرمیوں کو سراہتے ہوئے فرمایا “ہمیں خوشی ہے کہ یہ تنظیم کویتی قوانین کی پاسداری کرتے ہوئے بڑے پروفیشنل انداز سے اپنا کام کر رہی ہے۔ انہوں نے پاکستانی کمیونٹی اِن کویت اور حکومت پاکستان کو جشنِ آزادی کے حوالے سے مبارک باد پیش کی اور کویت اور پاکستان کی سالمیت کے لیے دعائیہ کلمات سے نوازا۔ جناب خالد أمین نے گورنر صاحب کو” کے پی ایف اے “ کے آئیندہ پروگرام میں شرکت کی دعوت دی جو اُنہوں بخوشی قبول فرمائی۔ کیک کٹنگ سے قبل تحائف کا باہم تبادلہ کیا گیا۔

٭٭٭٭٭٭٭٭٭٭٭٭٭٭٭٭٭٭٭٭ؔ٭٭٭٭٭٭٭٭٭٭٭٭٭٭ وفد کے اراکین نے گورنر صاحب سے اُن کے فیملی ممبر الشیخ سالم العلی الصباح کی وفات پر اُن سے تعزیت بھی کی اور مرحوم کی خدمات کو سراہا گیا۔ یاد رہے کہ ووپ میڈیا جو کہ کے پی ایف اے کا میڈیا پارٹنر ہے ، اِس کاروائی کو کوریج دے رہا تھا جس پر ایسوسی ایشن جناب طارق اقبال اور جناب محمد شہزاد کی بے حد ممنون ہے۔