پاکستان ایمپلائمنٹ فورم کویت اپنی نوعیت کی ایک منفرد تنظیم ہے جو کویت میں ہموطنوں کو روزگار کے حصول میں معاونت اور طلبہ و طالبات کو ہائر ایجوکیشن کے لئے رہنمائی فراہم کرتی ہے اسی سلسلے میں گزشتہ دنوں پاکستان ایمپلائمنٹ فورم کویت اور بی آئی اے کے زیراہتمام طلبا اور طالبات کے لیے ہائرایجوکیشن میں رہنمائی کے لیے کیریئرکونسلنگ ورکشاپ کا انعقاد کیا گیا جس میں طلبہ اور ان کے والدین نے شرکت کی۔ ورکشاپ کا آغاز تلاوت قرآن حکیم سے ہوا جس کی سعادت محمد علی حسن حاصل کی اس کے بعد پاکستان ایمپلائمنٹ فورم کویت کے صدر محمد عرفان عادل نے ورکشاپ کی غرض و غایت اور پاکستان ایمپلائمنٹ فورم کویت کے بارے میں تعارف پیش کیا۔ بی ای اے کے اکیڈمک ڈائریکٹر عاطف سہیل اسلم نے ہائر ایجوکیشن کے مواقع پر ایک تفصیلا پریزنٹیشن پیش کی طلبہ اور والدین نے ورکشاپ میں گہری دلچسپی کا اظہار کیا اور ہائر ایجوکیشن کے لیے مختلف سوالات اور معلومات حاصل کیں ورکشاپ کے اختتام پر عاطف سہیل اسلم اور محمد عرفان عادل نے تمام طلباء اور والدین کا شکریہ ادا کیا ۔ اس موقع پر والدین اور شرکاء نے پاکستان ایمپلائمنٹ فورم کویت اور بی آئی اے کو اس بہترین ورکشاپ کے انعقاد پر خراج تحسین پیش کیا اور کہا کہ اس طرح کی ورکشاپس کی یہاں پر اشد ضرورت ہے ہم امید کرتے ہیں کہ پاکستان ایمپلائمنٹ فورم کویت اور بی ائی اے آئندہ بھی اس طرح کی ورکشاپ کا انعقاد کرتے رہیں گے ورکشاپ میں خلیل احمد راجپوت، شکیل مرتضی، انجینئر سید جنید احمد کے علاوہ دیگر مہمانان نے شرکت کی۔ آخر میں تمام حاضرین کے لیے ری فریش منٹ کا اہتمام کیا گیا اس طرح یہ ایک اہم ورکشاپ اپنے اختتام کو پہنچی۔