Community News


عظیم وطن عزیز پاکستان کو ہم عظیم تر بنائیں گے. جاوید اقبال اسلامک ایجوکیشن کمیٹی یوتھ ونگ کے زیر اہتمام جشن آزادی کے حوالے سے ایک پر وقار تقریب کا اہتمام جمعیة الاصلاح کویت کے مرکزی ہال میں کیا گیا ۔ اس پر وقار تقریب میں ہر مکتبہء فکر اور ہر عمر کے افراد نے بھر پور شرکت کی اور وطن سے والہانہ محبت کا اظہار کیا ۔ لوگوں کا جذبہ قابل دید تھا سفارت خانہ اسلامی جمہوریہ پاکستان کویت کی طرف سے عزت مآب سفیر محترم ملک محمد فاروق اور ان کے سینئر عملہ نے شرکت کی ۔ عزت مآب سفیر محترم ملک محمد فاروق نے پروگرام کو سراہا اور اسلامک ایجوکیشن کمیٹی یوتھ ونگ کی بہت خوبصورت الفاظ میں تعریف فرمائی۔ پروگرام میں گہری دلچسپی لی اور شرکاء کو خراج تحسین پیش کیا ۔ عزت مآب سفیر محترم ملک محمد فاروق نے سامعین اور حاضرین کو اس بات کی تاکید کی کہ نظریہ پاکستان کو نئی نسل کو سمجھانا ہماری ذمہ داری ہے ۔

عزت مآب سفیر محترم ملک محمد فاروق نے اس طرح کے اور بھی پروگرام منعقد کرنے کی خواہش کا اظہار کیا۔ پروگرام میں خطاب کرتے ہوئے یوتھ ونگ اسلامک ایجوکیشن کمیٹی کے صدر نوید پاشا صاحب نے نوجوانوں کی صلاحیتوں کی تعریف کی ۔ انہوں نے اس بات پر زور دیا کہ اگر نوجوانوں کی بہتر رہنمائی کی جائے اور ان کو اپنی صلاحیتوں بروئے کار لانے کا موقع دیا جائے تو یہ نوجوان وطن عزیز کی تعمیر اور ترقی میں نمایاں کردار ادا کرسکتے ہیں۔ اسلامک ایجوکیشن کمیٹی کویت کے صدر جناب جاوید اقبال نے حاضرین کا شکریہ ادا کیا، جنہوں نے اس گرم موسم میں اتنی بڑی تعداد میں اکٹھے ہو کر اپنی حب الوطنی کا اظہار کیا ۔ خواتیں کا اتنی بڑی تعداد میں آنا اس بات کی غمازی کرتا ہے کہ یہ وطن آنے والی نسل کے ہاتھوں میں محفوظ ہے ۔

بچوں کی کارکردگی اور اساتذہ کی محنت کو بھی سنہری الفاظ میں خراج تحسین پیش کیا گیا ۔ یوتھ ونگ کے ٹیم ورک کو سراہا اور انکی کاوشوں کی تعریف کی۔ اپنے اختتامی اور کلیدی خطاب میں تحریک آزادی پاکستان پر روشنی ڈالی ۔ موجودہ حالات کا تذکرہ کیا اور ملک کی ترقی کے لئے اس بات پر زور دیا کہ آج پھر اسی جذبے اور ولولے کی ضرورت ہے، جس طرح حصول پاکستان کے لئے ہر طبقہ کے لوگوں نے کردار ادا کیا تھا۔ صدر صاحب نے اس بات پر زور دیا کہ جس طرح تحریک آزادی میں ہمارا نعرہ ہر زبان پر تھا “پاکستان کا مطلب کیا - لا اله الا الله" اسی طرح ہمیں مملکت خدا داد میں کلمہ والا نظام رائج کرنے کی بھر پور کوشش کرنا ہے۔ گذشتہ 75 سال سے ہم نے بہت تجربے کر لئے مگر کامیابی دور دور تک نظر نہ آئی ۔ ضرورت اس امر کی ہے کہ ہم اپنے عہد کی پاسداری کریں ۔ اور اس وطن کو اس کی اساس کے نظام پر قائم کریں ۔ ہماری ساری کی ساری جدوجہد اللہ کے دین کو قائم کرنا ہے تاکہ لوگ اللہ کی برکات اور فیوض سے بہرہ مند ہو سکیں ۔ اسلامک ایجوکیشن کمیٹی کے صدر نے اپنے پر جوش خطاب میں اس بات پر زور دیا کہ ہم تعمیر انسانیت اور اصلاح معاشرہ کے ذریعے اس وطن کو عظیم تر بنائیں گے، ان شاء الله۔ علامہ مولانا ملک محمد ارشاد صاحب نے ملک کی ترقی اور خوشحالی اور حاضرین کے لئے پر سوز الفاظ میں اللہ رب العزت کے حضور دعا فرمائی۔ تقریب کا اختتام پر تکلف عشائیہ سے ہوا۔


The blood donation drive dedicated to 7th independence day of Pakistan. The camp held in Adan Blood Bank Kuwait on 12-Aug-2022. Ambassador of Pakistan to Kuwait H.E Malik Muhammad Farooq attended the camp as chief guest.

 

Photo Album Link: https://www.facebook.com/media/set/?vanity=PakistanisInKuwait&set=a.5304920616272877

FB Live Video Link1: https://fb.watch/eT1TEtCGV8/

FB Live Video Link2: https://fb.watch/eT1WIbg8bY/

 


اسلامک ایجوکیشن کمیٹی کویت کے صدر جناب جاوید اقبال کی قیادت میںIEC کے وفد نے سفارت خانہ پاکستان کویت میں سفیر اسلامی جمہوریہ پاکستان عزت ماب جناب ملک محمد فاروق صاحب سے ملاقات کی ، اس ملا قات میں جناب جاوید اقبال نے سفیر پاکستان کو کویت میں ذمہ داریاں سنبھالنے پر مبارک باد پیش کی اور خوش آمدید کہا ۔ محترم صدر اسلامک ايجوکيشن نے سفیر پاکستان کو اپنے بھرپور تعاون کی یقین دہانی کروائی ۔ جاوید اقبال صاحب نے اسلامک ایجوکیشن کمیٹی کویت کی سرگرمیوں پر مشتمل رپورٹ بھی عزت ماب سفیر محترم کو پیش کی ۔ جسکو سفیر محترم نے بہت سراہا محترم جاوید اقبال صاحب نے اسلامک ایجوکیشن کمیٹی کویت کے کام اور اسکی کمیونٹی کے حوالے سے خدمات پر سفیر محترم کو تفصیلی بریفنگ دی ۔ سفیر محترم نے اسلامک کمیٹی کی سرگرمیوں میں دلچسپی لی اور مشورے بھی دیے ۔
یوم آذادی کے آمدہ پروگرام کو بہت پسند کیا ۔ اور اسطرح کے پروگرامات جو وطن عزیز کے حوالے سے ہوں ان میں بھرپور تعاون کی یقین دہانی کروائی ۔ سفیر محترم نے یوتھ ونگ کی طرف سے پروگرام میں مدعو کرنے پر شکریہ ادا کیا ۔ اور پروگرام میں شرکت کی یقین دہانی کرائی ۔
اسلامک ایجوکیشن کمیٹی کویت کے وفد میں نائب صدر جناب اطہر مخدوم ، جنرل سکریٹری جناب نثار احمد ، انچارج یوتھ ونگ جناب نوید پاشا ، ناظم شعبہ تعلقات عامہ جناب صدف علی صدف اور شعبہ میڈیا کے انچارج محمود احمد خان شامل تھے ۔
سفارت خانہ پاکستان کی طرف کمیونٹی ویلفیئر اتاشی جناب فرخ سیال صاحب نے عزت ماب سفیر اسلامی جمہوریہ پاکستان کی معاونت کی ۔ سفیر پاکستان نے وفد کا شکریہ ادا کیا - اور پاکستانی کمیونٹی میں بہترین خدمات سرانجام دینے پر اسلامک ایجوکیشن کمیٹی کی کاوشوں کو خراج تحسین پیش کیا ۔

کویت پاکستان فرینڈشپ ایسوسی ایش کے وفد کی رانا اعجاز حسین (صدر) کی قیادت میں سفیرِ پاکستان جناب ملک محمد فاروق سے ملاقات اور تنظیمی امور سے آگاہی
کویت پاکستان فرینڈشپ ایسوسی ایشن کے وفد نے عزت مآب ملک محمد فاروق سفیرِ پاکستان کویت سے تعارفی ملاقات پر اُنہیں گذشتہ اٹھائیس سالہ تنظیمی پس منظر سے آگاہ کرتے ہوئے پیش منظر پر بھی تبادلہ ء خیالات کیا گیا تاکہ باہمی مشاورت سے کویت میں پاکستان کے تصور کو ہر دل عزیز بنایا جا سکے اور تجارتی، ثقافتی، ادبی اور دوستی کے روابط فروغ پا سکیں۔
سفیر محترم نے “کے پی ایف اے “ کی سرگرمیوں کی حوصلہ افزائی کرتے ہوئے اپنے مکمل تعاون کا یقین دلایا۔ اس موقعہ پر سفارت خانہ پاکستان کے افسران اعلی جناب فیصل مجید ( سیکنڈ سیکرٹری) اور جناب فرخ امیر سیال ( کمیونٹی ویلفیر آفیسر) بھی تشریف فرما تھے۔


H.E Malik Farooq the Ambassador of Pakistan visited UK International Institute Kuwait where he was briefed by the Roshan Pakistan Team for this event.

Hum sub ka Pakistan team met with New Ambassador to Kuwait H.E Malik Farooq.


سوسائٹی کے صدر ڈاکٹر شجاع الدین کویت میں نئے تعینات سفیر ملک محمد فاروق کے ساتھ ملاقات کے لئے اپنے وفد کے ساتھ سفارہ پاکستان تشریف لے گئے اور CWA فرخ سیال کی موجودگی میں انکے ساتھ مفید اور کارامد ملاقات کی۔سوسائٹی نے سفیر صاحب کو تعیناتی پر مبارک باد دی اور دو ہزار پندرہ سے اب تک سوسائٹی کی کارکردگی کا تفصیلی زکر کیا۔جن میں سالانہ تین فری میڈیکل کیمپس کی اجرا،پاکستان میں انکھوں سے محروم افراد کے لئے کارنیا کی فراہمی،کویت اور پاکستان میں بہت سے ضرورت مندوں کی مالی تعاون اور فلاحی کاموں میں حصہ لینا،کویت ہلپنگ فنڈ کے ساتھ نادار پاکستانیوں کی مالی تعاون کے علاوہ ہیلتھ سے متعلق لوگوں کی کویت میں مشکلات اور انکے حل کے لئے کوشش کرنا وغیرہ #سفیر محترم نےکارکردگی کے بارے سن کر خوشی کا اظہار کیا اور ان کاموں کی نہ صرف تعریف کی بلکہ انکو اور تیز کرنے کی درخواست کی.
اس موقع پر ڈاکٹر شجاع نے وزارہ الصیحہ سے منسلک لوگوں کے مسائل کا تفصیلی زکر کیا جن میں والدین کے ویزوں میں حائل مشکلات،ڈگریوں کی اٹسٹیشن اور وریفیکشن میں تاخیر کے علاوہ ڈاکٹروں کے لئے ہر دوسال بعد ریٹرن ٹیکٹس،ہائر ایجوکیشن کی کارکردگی کو مزید تیز کرنا اور نئے ڈاکٹروں کے مستقل تعیناتی اور تنخواہوں کی تاخیر کے لئے حکومت کویت سے بات چیت کرنا۔
سفیر محترم نے کہا کہ اج انکی کویتی وزیر خارجہ سے ملاقات ہوی اور کویتی عوام کا پاکستانی ڈاکٹروں کی بہتر کارکردگی سے اطمینان کا سن بہت فخر محسوس ہوی۔اور ان شاء اللہ اگر رب کو منظور ہو تو انے والا سال پاکستانیوں کے لئے بہت بڑی کامیابیوں کا سال ثابت ہوگا اور کویت میں مزید نئے ڈاکٹروں کی تعیناتی کے علاوہ اور کئی شعبوں میں پاکستانیوں کی لئے مواقعے انتظار کرینگے۔الحمد للہ پاکستانیوں کے ویزے کھل گئے ہیں اورکسی کو کوئ مشکل ہو تو نشان دہی پر ھم مدد کے لئے تیار ہیں۔ #اخر میں سوسائٹی نے ڈاکٹروں کےمسائل کے حل کے لئے کوششوں کی یقین دہانی پر سفیر صاحب کا شکریہ ادا کیا۔

Go to top